Page 46 - MIN ON
P. 46
Grupo di studiante di Hulanda a
presencia e atentadonan na
London di cerca
22 March, 2017
0
London, REINO UNI – Un grupo di studiante y docentenan di un scol na Bergen
op Zoom tabata testigo di e atentadonan na London di diaranson. Algun di nan
tabata para menos di 50 meter di e autor di e atentado ora cu esaki a hinca e
agente policial. Esaki a causa basta conmocion bou di e studiantenan y nan kier
bay cas mas lihe posibel.
“Nan tur a spanta masha hopi. Nos ta tene algun di e alumnonan na bista y a
keda dicidi cu ta bay cas bek”, segun un vocero di e scol.
Remarcabel ta cu algun di e alumnonan tabata na Berlin na December ora cu e
atentado ariba e mercado di Pasco a tuma luga. Scolnan ya caba ta dudando si
ta prudente pa biaha den gruponan grandi pa ciudadnan Europeo.
