Page 11 - FDLP

Diabierna, 21 juni 2019 AWEMainta 29

Rumannan Klabér a bolbe Aruba

despues di nan gira na Europa

DIALUNA atardi Záhyon y Jourdé Klabér y

Cornel Djaoen a bolbe Aruba despues di dos si-
man na Europa.

Dia 5 di juni nan a biaha pa Hulanda pa despues

sigui cu auto pa core bay Austria pa participa
den e Austrian Open.

Jourdé Klabér a bringa den e categoria di -63 kilo
y a logra gana un pelea y a perde e di dos pelea.

Záhyon Klabér a bringa den e categoria di -68

kilo y a perde su prome pelea. Despues nan a
core bay Groningen cerca ex campeon mundial y

coach Olimpico.

Nan a train un par di dia na Groningen y despues
a core bay Luxembourg pa participa den e Lux-

embourg Open.

Záhyon Klabér a logra gana su prome pelea con-

tra di Chadrack Lungungu di Luxembourg cu
un score di 24-14 y a perde e di dos pelea 20-0

contra di Yu Jen Huang di Chinese Taipei, kende

a sali campeon y ta number 6 di mundo.
Jourdé Klabér a logra gana su prome pelea con-

tra di Ranye Drebes di Alemania cu un score di
19-5, despues a perde e di dos pelea contra di

Leon Glasnovic di Croatia cu un score di 21-1.

Despues di dos campeonato na Europa nan a

gana mas experiencia cu e meta di a logra gana

un pelea cu ta un progreso pa nan den e catego-
ria di adulto.

Saliendo for di e categoria di junior pa drenta

adulto ta un stap basta grandi y ta enfrenta
adulto di hopi mas aña di experiencia.

Henk Meijer ta satisfecho cu e resultado mirando
cu nan ta topa atletanan den top cu ta duna nan

mas corahe pa sigui bringa pa bay pa dilanti.

Training ta sigui na Brazil Taekwondo Sticht-

ing cu e team di “Train Hard Fight Smart” pa
despues nan sali juli pa Hulanda unda cu nan

lo train pa dos siman na Spaña y dos siman na

Serbia.