Page 65 - FDLP

Olimpiada Escolar 2019 A Clausura Cu Broche Di Oro

 Deporte
- 20/06/2019

Despues di un luna deportivo, yena cu emocion y alegria, por bisa cu sumo placer cu
Olimpiada Escolar a clausura cu broche di oro. Un Olimpiada cu a haya su representacion
simbolicamente di Aruba su naturalesa, a carga e nomber di: ‘Un homenahe na nos Tera
y nos Naturalesa’.

E evento di Olimpiada Escolar a wordo descontinua algun aña atras y e efecto negativo
cu esaki a trece cu ne tabata notabel.

P’e motibo aki, Minister Dangui Oduber a duna di conoce cu bou di e maneho nobo di
deporte, a percura pa trece esaki bek, pa por stimulando deporte cerca nos hobennan.
Banda di esey a uza e evento aki pa por duna un conscientisacion na nos hobennan riba e
parti di ecologia, como tambe a tuma e oportunidad pa duna reconocemento na Rufo
Kelly, un persona cu a aporta grandemente na deporte escolar.

Durante e clausura bunita di Olimpiada Escolar Betico Croes 2019, Minister
Dangui Oduber a expresa su gratitud na cada un cu a forma parti di e organisacion, como
tambe na cada participante.

“Deporte ta algo indispensabel den nos comunidad, principalmente pa nos hobennan. E ta
un orguyo pa mira e esfuerso haci dor di cada docente, mayor y mas cu claro tur studiante
cu a participa den e Olimpiada.