Page 14 - MIN JUS

Published on April 12, 2017 in Politica

ORANJESTAD, Aruba

Presidente di Parlamento ta trese padilanti cu ayera tabatin un reunion publico tocante
criminalidad. E 15 Parlamentarionan cu a hiba palabra a haci diferente pregunta na
minister Dowers. A puntra alavez tocante e sitacion di minister Croes y otro
preguntanan cu tin di haber cu permiso, tereno. Parlamentario Bikker hunto cu Mep y
parlamentario independiente a entrega un mocion di desconfiansa contra minister di
Justicia. Dicho mocion a keda desaproba. Wyatt-Ras ta remarca cu durante e reunion
tabatin fayo tecnico y cu no tabatin zonido durante e transmision via cable. Sinembargo
publico por a sigui e reunion via di website y via Radio, legalmente segun reglement
van orde. Un par di anja pasa reunionnan por a ser skucha solamente via radio. No por
a skiche via television. Wyatt-Ras ta pidi disculpa pa e inconvenencia. Presidente di
Parlamento kier coregi alavez e critica comosifuera tin algo di skonde. Parlamento ta un
organo transparente cu ta funciona cu trahadornan profesional. Ningun momento no tin
ningun intencion pa sera boca di oposicion. Wyatt-Ras ta informa cu specialista tecnico
ta trahando pa soluciona e fayo aki, pero cu lo tuma tempo pa logra. Mientras tanto of lo
mester transmiti cu fayo of mester keda sin reuni. Wyatt-Ras ta spera cu
Parlamentarionan no keda uza esaki contra di su persona y contra di Parlamento en
general cu mo ton arte no parte den esaki.