Page 67 - AHATA
P. 67
Parlamentario Jennifer Arends-Reyes (AVP) –
Gobierno Kier Kita 12 Miyon Florin Na ‘Overuur’ Di Un
Grupo Di Maestro
Local
- 30/07/2019
Segun sra Jennifer Arends-Reyes locual ta pasando den enseñansa ta sumamente
preocupante. Den pleno vacacion escolar maestronan ta haña un baño di awa frieu pa
locual ta trata nan salario.
Banda cu no tin transparencia y un vision stabil den enseñansa cu den practica ta
realisabel, no ta bon pa salud y trankilidad mental di maestronan pa hunga asina hopi cu
nan pan di cada dia.
No mester lubida cu enseñansa t’e pilar di un pais y ta sumamente lamentable y insolito
locual ta pasando na Aruba.
Cu tin presion di Hulanda di CAFT no ta algo cu ta exigi disciplina di awor, sino di algun
aña caba y no ta na Ministerio di Enseñansa so pa sacrifica p’e resto di Ministerionan, e
carta ey mester a bay pa tur dienst cu ta draai overtime si tabatin un presion asina grandi
y no mester tin ‘cherry picking’ un si y un no y sacrifica e maestronan pa mustra cu tin
disciplina?
