Page 15 - UTILITIES 17 FEB 2017

Sr. y Sra. Jansen di San Miguel ta aproba y compronde bon e
maneho di Gabinete Mike Eman II

Thursday, 16 February 2017 20:12
Comparti

San Miguel, mescos cu hopi otro bario di Aruba, ta pidi pa Gobierno mehora e infrastructura poniendo
asfalt, verkeersdrempels y luz publico.
Visiblemente Gabinete Mike Eman II ta trahando riba tur tres aspecto y e programa di ‘Luz den Bario’ ta
un di e esnan mas prominente.
Karen y Axel Jansen ta un pareha masha cordial y alegre cu e aña aki ta bay celebra nan 40 aniversario di
matrimonio y tin casi mesun tempo ta biba na San Miguel. Sra. Jansen ta conta cu e bario ta uno masha
trankilo y cu dushi biento. Claro cu awo tin hopi mas cas compara cu prome, pero afortunadamente e
ambiente a keda e mesun dushi.
No ta prome biaha cu nan ta haya bishita di Prome Minister na nan cas, pero e biaha aki sigur tabata
special. Minister President Mike Eman a bay na San Miguel diahuebs mainta pa personalmente informa
nan cu nan caya ta haya iluminacion y tambe invitanan pa tey pa cendemento di e prome luz den e
bicindario.
Prome Minister tin ta haci e bishitanan den bario pa basta aña caba y ta precisamente durante e
bishitanan aki cu Prome Minister ta haya tende di e ciudadanonan cua ta e necesidadnan pa nan bario.
Den algun bario e por ta movecion di awa, den otronan mester asfalt of iluminacion.

Den caso di e parti aki di San Miguel, e bisiñanan a identifica varios aspecto cu mester atencion y un
importante ta iluminacion. Mescos cu na otro barionan cu ya a haya nan iluminacion publico, Prome
Minister ta yuda instala e prome luz den e bario cu ta simbolisa e comienso di e trabounan cu tecniconan
di ELMAR NV ta completa rapidamente despues den henter e bicindario.
Pareha Jansen ta masha satisfecho cu maneho di Prome Minister Eman y su ekipo di trabou. Adicional
na Luz den Bario, Sra. Jansen a gaba hopi e manera con a drecha entrada di waf di crucero. “El a keda
masha bunita,” asina el a bisa comentando tambe cuanto crucero el a wak drenta y con polis ta presente
pa wak cu tur cos ta cana bon den e area.

“Mi ta spera Mike keda cuater aña mas pa e caba cu su proyectonan,” ta e deseo cu Sr. Jansen a expresa
despues di e bishita di Prome Minister; na loke su señora a añadi: “Esun cu no kier mira, core rond di
Aruba pa e mira.” Ningun ta wak base den e ponencia di criticonan cu a crea demasiado debe paso ta
asina cosnan tin cu bay. “Bo no por paga bo auto cash, ni paga pa bo cas cash; mi tambe a haci asina. Bo
tin di fia pa bo por inverti,” Sra. Jasen a comenta.