Page 53 - ARUBA BANK

ORANJESTAD (AAN): Sr. Clifford Rosa, Presidente
Fundacion Racho hunto cu Sra. Audrey Croes-Lacle di Fundacion Adopt-an-Addict y Sra.
Magaly Maduro di Fundacion pa Hende Muher den Dificultad a

Sr. Rosa a bisa cu aunke nan a bin un tiki demotiva pa motibo di e sucedido cu nan
amigo Ski, kende a fayece den circumstancianan cu a causa conmocion den comunidad,
el a haya hopi yamada, como presidente di Fundacion Rancho, apesar cu e parti aki no

ta wordo considera como nan trabao, di otro banda nan ta den e bario y nan ta al tanto
di tur loke ta sosode casi 24/7 den area di Rancho y ta hopi lamentable di loke ta
sosode.

Ta hopi fastioso pa un bario haya su mes den tipo di delitonan aki, hopi biaha no ta

haya un resultado of atencion tampoco, y menos con ta bay mehora y atende cu e
situacionnan aki.

Sr. Rosa a enfatiza cu e ambulantenan riba caya, cada un tin un nomber, un famia,
cada un tin nan sernan keri y cada un, si bay den contexto di nos cultura,
practicamente ta parti di nos cultura. Ski tabata un icono hopi importante pa Rancho,
Rosa a bisa cu personalmente semper e tabatin e placer di core bicicleta y danki na Ski,
awe ainda e ta core bicicleta.

Ski tabata un heroe den Rancho, mirando cu el a sobrevivi caya pa hopi aña, y aunke a
purba di yud’e, Ski tabatin su caracter, cu nunca e tabata kier yudanza pa su mes, pero

e tabata zorg pa mucha y hoben no cay den tentacion.