Page 38 - Djabierne 14 september 2018.pdf

40 Djabièrnè 14 Sèptèmber 2018
Kontinuashon di pagina 7
Gruponan LGBT ke pa
reunion kuné.
Den bista di FOKO,
Curaçao Gay Pro i Curaçao
Workgroup Equality, loke
señor Schotte ta hasi ta
abusá di prehuisionan
den pueblo kontra hende
homoseksual pa hiba guera
kontra Gobièrnu. P’esei e
organisashonnan ta hasi un
yamada na señor Schotte i
otro polítikonan pa stòp
di usa siudadano leal, ku
ta paga impuesto meskos
ku tur otro hende, pa gaña
pueblo ku ta trata di un
akto kontra di matrimonio.
E kambio di lei lo trese
mas protekshon legal pa
tur hende ku ta biba huntu
sin ta kasá, mayoria di
nan muhé ku hòmber. Dor
di tuma e posishon ku el
a tuma, señor Schotte ta
mustra ku e no tin niun
intenshon pa kaba ku
kualke diskriminashon
ku tin na Kòrsou. Si
matrimonio ta un problema
p’e. E organisashonnan
no ta komprondé ku señor
Schotte no ke koperá pa
trese igualdat via otro lei,
di moda ku e no tin ku hisa
e tópiko di matrimonio
igual na momento ku
esei ta for di òrdu.
Pa FOKO, Curaçao Gay Pro i
Curaçao Workgroup Equality
señor Gerrit Schotte ta
brua dos kos ora e bisa
ku pueblo mester por vota
riba asuntu di matrimonio
manera a sosodé na Irlanda
i Australia.
Añanan promé ku e
paisnan aki a bai urna riba
e tópiko, nan a regla trato
igual, pa tur siudadano
ku ta biba huntu, den nan
leinan. Hustamente e kos
ku apénas un tiki asina e
Lei di ‘Successiebelasting’
ta hasi. Ainda falta un
sèt di lei pa regla igualdat
real di kombibensia, no pa
pareha homoseksual so,
pero tambe pa esnan hetero
ku ta bibá sin ku nan a
kasa. Kiko señor Schotte ta
pretendé? Para òf posponé
kada lei ku ke trese djis un
tiki igualdat? Kua sosial-
demókrata por hustifiká
un posishon asina? FOKO,
Curaçao Gay Pro i Curaçao
Workgroup Equality ta
sumamente desapuntá
den e posishon ku señor
Gerrit Schotte ke defendé,
i ta hasi un yamada na
Gobièrnu pa trese igualdat
i ful siudadania pa tur yu
di Kòrsou, sin importá ken
nan ta stima òf biba kuné
den kas.
Tempu di kouchi boulo
ta pasado i mester keda
pasado.