Page 17 - BNDIA ARUBA

A17
HENDE Diamars 28 augustus 2018

Prome minister a gradici pensionadonan pa nan

contribucion den construccion di nos pais

ORANJESTAD - Premier Evelyn Wever-Croes a cele-
bra hunto cu OPPA 30 aña aniversario. Den su discurso
sra. Wever-Croes a felicita OPPA y a gradici pension-
adonan pa nan contribucion den construccion di nos
pais.

Den un comunicado di prensa sra. Wever-Croes a elabora
riba e retonan cu gobierno a haya 9 luna pasa, y con mesora a
lora manga y busca solucion. Retonan social, retonan cu pais
bisiña Venezuela, y retonan financiero. Den tur esaki gobi-
erno ta busca pa pone e ser humano central, e pensionado
central. Den vision di gobierno kier logra miho cuido y respet
pa nos grandi nan y atencion pa preocupacionnan financiero
di pensionadonan. Entre otro, mester atende cu e discusion di
Bashi Premie y Gelijkbedrag, y introduci areglonan faborabel
di belasting pa tur pensionado.

Pa logra esaki sra. Wever-Croes kier mas participacion di pen-
sionadonan, cu tur e conocemento y experiencia cu nan tin.
Entre otro, a nombra un persona den Sociaal Economische
Raad specialmente pa atende cu e preocupacionnan di pen-
sionado, pa prome biaha na Aruba. Gobierno kier institui
tambe un ‘ouderen raad’ cu ta un partner di gobierno den
decisionnan cu ta concerni nos pensionadonan. Pa asina logra
e bienestar y progreso pa tur pensionado y pa henter nos co-
munidad, e comunicado a finalisa.