Page 17 - ARUBA BANK
P. 17
Omar Maduro, hefe di e departamento di e seccion di plachinan di number, a conta cu for
di dia 27 di December a ranca sali cu e control di e plachinan cu 10 persona.
Lo purba di caba cun’e dia 7 di Januari y despues pa purba duna e clientenan nan plachi
cu nan a paga p’e.
Tin tres pa cuater aña sin ta duna plachinan nobo. Despues di 4 aña atrobe, e lo ta un
drukte enorme. Pero ya tin hende poni na nan luga pa yuda entrega e plachinan.
CONTROL
Contrario cu e añanan anterior, cu ora di paga tabata haya un sticker y controla seguro di
biaha cerca e cahera, e biaha aki ta bolbe bek, mescos cu den pasado. Bo por paga, pero
ora di busca e plachi, e seguro mester ta valido, conforme ley. E ora ey, por haya e plachi.
E aña aki, compara cu otro añanan tambe, lo bay parti e plachinan na dos localidad.
Na Camacuri, ta solamente A-platen y MFA (brommer). Na e otro localidad, lo bay parti
e otro plachinan manera V, DT, etc. Tambe ta preparando un app unda cu por haci un cita
pa bin busca nan plachi, esey ta specialmente pa esnan cu ta paga online.
Bo ta hay’e cu servicio rapido, segun Maduro.
