Page 5 - ARUBA BANK
P. 5
DIMP: Ta premira cu den siman di 7 di
januari lo por bay otorga plachi di
number nobo
Posted on 01/2/2019 11:36 am AST | Updated on 01/2/2019 11:36 am AST
ORANJESTAD – Departamento di impuesto (DIMP) ta premira cu den siman di 7 di
januari lo por bay otorga plachi di number nobo. Asina e directora sra. Luenne Gomez a
notifica NoticiaCla. A confirma cu e team di DIMP a traha durante weekend cu a pasa y
tambe ariba 31 di december pa asina por keda cla cu e control di plachinan. A termina cu
tur e plachinan ‘A’, y awor ta controlando e plachinan ‘chikito’ esta e ‘controle platen’.
Ademas lo kier keda cla cu e ‘app’ di DIMP pa por lansa esaki simultaneamente pa esnan
cu a paga online. Asina e servicio lo ta mucho mas miho y eficiente. Asina cu tur e trabao
nan ta cla lo anuncia e lansamento y e fecha official di otorga e plachinan nobo.
Manera ta conoci, bispo di Pasco, e plachinan nobo pa 2019 a yega Aruba y a keda
entrega na DIMP, pa asina por a cuminsa cu e control fisico di tur esaki. Ta trata di mas
di 80 mil plachi cu mester keda controla, prome cu por otorga esaki. Mirando cu esakinan
a yega laat, a dicidi di pone ‘man na obra’ y traha overtime cu aprobacion di Minister pa
toch keda cla den un corto tempo pa por cuminsa otorga e plachinan na comienso di e aña
nobo. No ta descarta cu lo por aplasa e prome fecha di pago, (31 di januari ) cu un of dos
siman mas. Pero esey tin cu keda confirma cu e minister en cuestion.
