Page 6 - MIN ARENDS 10 MAY 2017
P. 6
Politica
PROFESIONALNAN HOBEN
A TOPA CU LIDERAZGO DI
PARTIDO AVP DEN CO LAB
editor
POSTED ON MAY 10, 2017, 2:14 AM
3 MINS
POST VIEWS: 43
ORANJESTAD,Aruba
E siman aki a toca turno na partido AVP pa topa cu un grupo di profesional hoben den cuadro di e
proximo eleccion parlamentario dia 22 di September. Queen y Bergen a splica e idea ta pa e
profesionalnan hoben haya un idea kico ta e pensamento di partidonan politico cu ta participa den e
proximo eleccion.
Bergen tabata moderador tambe di e evento aki cu a tuma luga den Co-Lab na Dakota. El a invita
profesionalnan hoben cu na nan turno a invita otro amistad nan hoben cu kier sa pensamento di e
partidonan politico. Asina nan a stipula mas o menos 20 pregunta, cu tabata mescos pa tur partido.
Esaki ta un idea cu a surgi for di e eleccion anterior, pero e biaha aki el a traha tempran riba dje y a
invita tur partido politico. E reaccion cu el a haya tabata positivo. “Hopi hoben profesional ta pensa
otro cu nan mayornan y no ta vota pa tradicion. Mas bien kier scucha pensamento di e partido y
politiconan. Pesey e evento aki ta importante,” Bergen a splica.
Lider di AVP Mike Eman a participa na e evento aki hunto cu coleganan Benny Sevinger y Richard
Arends. E temanan cu a bin dilanti tabata cu diferente sector, manera Enseñansa, preocupacion pa
