Page 58 - MIN.VOS 20 MAY 2017

Wit Gele Kruis ta yama e mayornan y ta puntra si nan ta haya autorisacion pa
haci e screening.

Sra. Angela a splica cu e prome screening ta OAE, unda ta midi e zonidonan cu
e orea ta haci y wak si e ta sali bon. Si e sali bon, e ora Wit Gele Kruis ta haya

sa cu e baby ta cla pa cuminsa papia den futuro. Si e no sali bon, lo bolbe haci
un test y ta wak con e orea ta reacciona riba e mashin. Si e sali bon, e ora e ta

cla, ta duna e mama e informacion cu e mester.

Den caso cu e screening no bay bon, ta bin haci un test un biaha mas, cu un
otro aparato y ta haci e test un biaha mas. Ta wak con e test ta sali y ta duna e
mama e splicacion. Si e sali bon, un biaha mas ta dun’e e informacion cu e

mester. Si e sali malo, atrobe despues di un siman ta bolbe haci e test. Dus ta
di cuater siman cu Wit Gele Kruis ta bin haci e testnan cu e baby. SI den caso

cu e di cuater biaha e test no sali bon, e ora lo verwijs e baby pa un KNO arts
pa haci mas test pa un diagnostico mas avansa. E ora ta sigui e caminda, kico

ta pasando cu e orea eigenlijk no a bay bon cu e mashinan di Wit Gele Kruis. Ta
importante pa di trempan caba, pa sa si e muchanan tin un problema pa nan

por interveni y pa yudanan pa nan ta mas miho posibel den comunidad, pa nan
hiba un bida normal sin cu nan mester di tin un estorbo den nan desaroyo.

Den 10 aña, e screenernan ta gusta nan trabao. Nan ta wordo bon ricibi den e
cas di e mayornan. E trabao ta keto bay ta keda positivo pa sigui traha den dje

specialmente pa nos babynan segun Sra. Angela.

Pa cada 1200 baby, ongeveer 1 baby ta wordo diagnostica cu problema di oido,
pa haya un implante cognitivo. Den e caso ey nan ta haya un aparato di oido,

cerca Dr. Cabenda of Dr. Raven, pero ta depende di kico e diagnostico ta. Pero
e ta mas o menos cinco mucha cu ta wordo manda pa specialista. Tin mucha cu
ta nace cu e problema di oido. E por ta hereditario y e por ta diferente cosnan

cu ta pasa den e celebro cu no a desaroya. Pero e por ta tambe cu tabata tin
vocht patras di e orea of e nan mester di e tubonan pa asina e zonido por pasa