Page 40 - AVP

Comercio ta den conflicto cu Gobierno pasobra kier sconde BBO den e prijs p’asina bo
no por mira e medidanan cu ta wordo impone riba pueblo causando un decadencia y
deterioro den nos economia.

Esnan den enseñansa ta sumamente preocupa cu e direccion robez y con cosnan ta
bayendo. Tur dia Gobierno tin conflicto cu un skol na Aruba.”

Eman a bisa cu ora bo pais ta den crisis, ora pueblo ta sclama pa cambio di direccion, ora
pueblo kier protector y defensornan, anto e ora e momento di AVP a bolbe yega.

“Un causa comun, t’e tema di e evento aki. Hopi partido tin den historia di Aruba, pero
tin un solo partido cu no a nace a base di division, a base di kiebro di otro partido
politico, discusion cu otro, pero cu nace y brota for di alma y curazon di e pueblo aki .

Esey ta Partido di Pueblo Arubano AVP. AVP a nace a base di un sentimiento, un causa
comun y cada generacion di e partido aki a sinti e yamada ey. Esey t’e liña ‘berde’ cu ta
core di un generacion pa otro. Cu algo ta yama nos cu nos ta sinti cu nos responsabilidad
ta transcendental y profundo y cu nos ta yama na momentonan cu nos pueblo tin mas
inkietud, tin mas dolor y mas incertidumbre.

Partido AVP ta wordo yama e ora ey pa trece un luz den e scuridad, pa saca un man
p’esnan cu mester di proteccion.

Partido AVP t’esun yama e ora ey pa lanta para y bisa cu ta basta cu abuso. Habri porta
p’e pueblo por cana y duna tur hende un oportunidad husto na cada generacion di e pais
aki pa por desaroya su mes y no carga cu cosnan inhusto. Nos ta yama atrobe pa sirbi un
causa comun.”

“Partido AVP no por permiti cu e pueblo ta sigui empobrece. Nos no por permiti cu nos
ta bay haya ripiticion di historia cu skolnan ta cera, universidad ta cera, educacion di
maestronan ta wordo kibra. Nos no por permiti cu inhusticia ta sigui prevalece den e pais
aki. Partido AVP lo asumi su responsabilidad como e defensor nacional di tur cu ta biba
riba e pais aki. E causa comun aki ta brota den nos curazon como dirigentenan di partido,
pero e ta brota tambe den curazon di tur nos activistanan, miembro y votadornan.”