Page 104 - MIN JUS

Polisnan rabia ta reacciona riba expresion di dos
parlamentario

Thursday, 09 February 2017 21:24
Comparti

Diaranzon merdia nos a ricibi un yamada cu ta indica cu tin varios polis rabia cu e declaracionnan haci
diparti dos parlamentario polis.
Ta trata aki di sra. Velasquez y sr. Besaril. Segun e comentario e momento ey, cu nan no ta aproba con
malo ambos a papia di nan propio cuerpo y cu tin sospecho cu ta un miembro di sindicato SPA, lo ta
informandonan incorecto. Mas atardi a ricibi den nos post un carta di e grupo “Polisnan rabia”, cu ta
bisa lo siguiente.
Pa medio di esaki, nos como e grupo “POLISNAN RABIA”, kier a participa na pueblo, cu nos no ta
aproba e hecho cu tin dos miembro parlamentario cu tabata polis ta papia malo di nos cuerpo. Kisas cu
ambos a lubida e lucha cu nos mester a hiba durante años y cu awe nos tin un cuerpo toch basta jong,
pero cu ta hopi dinamico y cu no ta frustra. Pa nos por a yega na e punto aki no tabata fasil y awo cu nos
ta caminda cu nos ta, un por permiti parlamentarionan bin tilda y kibra moral di nos cuerpo. Vooral no,
ora ta trata di un persona manera Besaril, cu a bini bek for di madre patria Hulanda y e tempo ey engaña
full korps cu ta inspector e mester bira. Ningun dia e no por a mustra ningun hende su diplomanan y
toch a logra pasa KC un fastball. E meneer aki cu ta hunga di nunca a kibra un kopie, a hasta bay duna les
na opleidingschool sin cu e tabata bevoegd pa hasi esaki. Riba dje nan fix e un post di polis di bario na
Parkietenbos pa e por a bira hoofdagent y ningun dia a habri e oficina ey pa yuda e bario cu tabata wordo
confronta cu basta ladronicia. Awor awe e kier purba na saca cara bisa cu e por mihor si mester bira
ministro di husticia algun dia. Net e personahe aki cu te dia di awe un por a hiba sr. Melvin Tromp corte
despues cu sr TROMP mes a acuse publicamente di ta pedofiel, kiermen cu e lo bira ministro? Pero
lamentabel di henter e caso aki ta, e redashi y agenda scondi cu sindicato di polis mes tin. Dos siman
pasa nan a yama reunion y ta net dos persona so a firma e lista di presencia. Un sindicato di polis cu tawa
e mihor na Aruba a para caba na filingrana, pasobra nos ningun no tin confiansa mas den esnan den
bestuur actual. Ta bon pa tur polis sa publicamente cu den e sindicato tin dos persona cu ta mal informa
e parlamentarionan cu informacion eroneo y cu nan unico meta ta politikeria. Nos un kier un sindicato
cu ta meti den politikeria, nos kier un sindicato cu ta representa nos dignamente manera antes. Cu
hendenan serio y dedica. Cu por deal cu who ever cu ta ministro, pa regla nos cosnan pa nos. Un
presidente serio, cu por negosha y no uno cu ora e mes pidi afspraak cu ministro Dowers y cu despues cu
ministro Dowers bise, bini mayan mes, ta bisa e ministro NO. Cu mayan e no por ainda paso e no a
prepara nada ainda. Esaki ta falta di seriedad shon. Donderop, mihor bo pidi bo retiro prome cu nos bin
cu mocion di desconfiansa riba boso. Na e dos parlamentarionan, please, busca pa sa mihor. Ta di
compronde cu boso NO SA kico ta come y bebe mas di Korps paso boso a bay y tin años sin bishita nos
sikiera, siendo cu e ministro si nos a wak su cara na comienso di aña atrobe y a papia cu nos anto ni polis
e no ta. Dus boso dos mester por tin sikiera poco berguensa.