Page 2 - MIN JUS
P. 2
Autonan Hybrid Rav4 entrega na Polis
Friday, 10 February 2017 12:47
Comparti
E autonan Toyota Rav4 a wordo entrega na Polis. Minister Arthur Dowers tabata presente hunto cu
esnan di Mando Policial. Comisario Vanessa Kock hunto cu su staff y hefenan di area di Noord tabata
presente. James Hepple representando Aruba Hospitality Foundation tambe tabata tey. Su presencia ta
pasobra nan a inverti pa Polis haya e autonan como donacion.
E placa ta sali for di turismo. Ta Rav4 Hybrid cu a suma total un 150 mil Florin. E autonan ta menos prijs
cu esey pero cu ekipo completo ta suma e total ey. E autonan ta mas eficiente pasobra ta move riba
coriente y gasolin. Garage Cordia mes ta hopi contento cu e autonan aki ta bay den uso pa Polis. E dos
autonan lo patruya den area turistico pero si mester por sali facilmente di e area pa brinda asistencia pa
reforza coleganan unda cu ta. E dianan cu ta bin e agentenan lo haya tres auto mas. Tambe comisario
Vanessa Kock y Minister Arthur Dowers a confirma cu ta preparando pa e flota nobo pa autonan di Polis.
http://www.24ora.com/index.php?option=com_content&view=article&id=118575:autonan-hybrid-
rav4-entrega-na-polis&catid=1:local&Itemid=5
