Page 97 - MIN JUS

Directora di Departamento di impuesto: A entrega un nota di
maneho pa ta flexible cu truck drivernan e aña aki cu number

di truck

Thursday, 09 February 2017 21:51
Comparti

Tin yen di discusion riba number di auto, si a yega na areglo si of no. Mr. Louanne Gomes-Pieters ta
directora di Departamento di Impuesto di Aruba

, a splica kico berdad tabata tin, ki areglo a yega, si berdad tin areglo si of no, mirando cu e temporada cu
a drenta a pase pura pura. E ta comenta cu a bin un cambio den ley riba impuesto di vehiculo di motor.
Despues di esaki, e chauffeurnan di truck a entrega un manifiesto na minister Bermudez, caminda cu nan
a vocifera nan preocupacion, ora ta trata pago di impuesto riba vehiculo di motor. Tabata den
deliberacion hunto cu minister di finansas, unda cu a entrega un beleidsnota, cu lo ta tiki mas flexibel ora
ta trata truckdrivernan cu tin dos of tres truck, caminda cu ta haya cu e vehiculo di motor lo bay acumula
impuesto riba esaki. A yega na un acuerdo caminda cu e chauffuernan di truck of otro plachinan di
number, manera cu a menciona riba website y tambe comunicado di prensa cu a saca, por bin na remarca
pa un termino un tiki mas flexibel pa paga e aña aki, pa tur hende por tin un chens pa custuma cu e
cambio di ley y e terminonan cu tin den ley. Esey ta loke a publica. Ayera tambe a manda e comunicado
pa prensa y e ta riba e website di impuesto, kico lo por sosode ora cu un cliente ta haya su mes den e
situacion cu e tin un acumulacion di impuesto di vehiculo di motor y con tin cu acudi na departamento di
impuesto.

E dolor

E cambio di ley a sosode fin di aña. Comienso di aña hopi hende no tabata informa di e cambionan. Esey
ta loke nan ta bisa cu ta pisa hopi riba nan cartera. E ora a bay wak kico por haci y naturalmente ora tin
cambio di ley y informacion no a yega na tempo cerca e clientenan, tin cu duna tiki flexibilidad tambe pa
e pueblo pagado custuma cu e terminonan segun ley.