Page 15 - ECEM DEC 29

AWEMainta Diahuebs, 29 December 2016 21

Aña 2016 ta e pio aña den ultimo temponan

Baba Herde’ por gaña, pero cifras ta papia berdad!

Segun partido MEP

DEN ultimo dianan por a mira cu partido AVP a travez di su vocero
lider di fraccion Baba Herde ta purbando pa pinta aña 2016 como
un bon aña. Esaki ta e mentira mas grandi cu por a pronuncia den
e ultimo añanan.
Ken Baba Herde kier manipula? A caso Baba Herde no a biba na
Aruba e ultimo aña?

BENTA DEN COMERCIO A CAY CU 15%
Comercio tur dia ta keha cu 2016 tabata e aña di mas malo den
ultimo 4 añanan, Banco Central ta cas indica un decrecemento,
un recesion. 40 tienda den Oranjestad a sera, y otro tiendanan di
Oranjestad ta luchando pa sobrevivi. Tur a raporta caida den benta
di mas cu 15 %.
Mas di 200 mama y tata di famia a perde trabou.

COSTO DI BIDA A AUMENTA BARBARAMENTE
Hopi compania no por a paga bonus e aña aki. Prijs di comestiblenan
a subi drasticamente, mientras prijs di fuel ta abao, ta pasobra a sera
mal deal cu mudamento pa Barcadera.
Bida a bira mas caro mientras cu entrada a bira menos, esey ta e re-
alidad cu mester wordo graba den historia cu ta danki na AVP, como
resultado di nan mal gobernacion, un gobernacion adhoc y sin vision.

ARUBA TA INSIGUR!
Aña 2016 ta e aña cu Aruba a biba den mas insiguridad cu nunca!
E aña den cual nos turismo a sufri mas golpi. Unda Baba Herde’
su tino por ta? Cu ken e ta papia? Baba Herde ta perdi y awor
ta purba dorna e aña dramatico di maneho descabeya di AVP.

MEP ta cumpli cu denuncia e manipulacion aki di realidad, pa pueblo
realisa con mentiroso Baba Herde ta. Net prome cu aña electoral
Baba Herde’ por papia mentira, pero cifra no ta gaña.
Bay puntra tur e mama y tatanan di famia cu a perde trabou, wak
kico nan ta bisabo.
Baba Herde’ mester bira mas serio.