Page 50 - ECEM DEC 29

Minister Mike de Meza: Den Januari caba lo bay mira hopi
mas actividad den e refineria

Wednesday, 28 December 2016 22:46
Comparti

Minister Mike de Meza a splica cu nan tabata den un reunion cu ehecutivonan di Citgo cu ta na
presente na Aruba. Tambe cu e compania cu ta bay bira e hoofdaannemer

, cu ta companianan internacional, cu ta bay ta responsabel pa e rehabilitacion di e refineria. E
compania aki a wordo selecta y presenta na Gobierno. Presente tabata tey prome minister
Mike Eman, como tambe minister Paul Croes y minister Richard Arends. Tambe tabata tey e
CEO di e refineria di Aruba, sr. Alvin Koolman y tambe sr. Frank Hoevertsz. Esakinan ta pa
scucha loke ta bay ta EPC Company cu ta un compania Frances combina cu compania di
Venezuela cu ta bay ta e hoofdaannemer pa e trabaonan di rehabilitacion. Nan lo ta
responsabel na fin di dia pa contrata e companianan local na Aruba, e contratistanan cu ta
traha den e refineria cu experiencia y tur e proyectonan pa garantisa un bon operacion
durante e periodo di rehabilitacion. Ta un stap mas cerca di ehecucion di tur e trabaonan. Ya
caba a wordo informa cu Citgo a tuma 30 hende cu ta ingeniero, costcontrollernan Arubiano,
pa cuminsa cu project definition. Pa defini e diferente trabaonan cu tin cu tuma luga. Den
Januari caba lo bay mira hopi mas actividad y hopi mas hende cu lo wordo acerca pa trabaonan
den refineria y esaki ta bay keda aumenta basta rapido durante e lunanan nos dilanti. E ta un
informacion sumamente positivo cu porcierto awe ta hayando aki hunto cu ehecutivonan di
Citgo y e ta priminti tambe pa e aña venidero cu actividadnan lo ta sumamente halto den e
parti pariba di nos isla na San Nicolas, pa loke ta refineria di Aruba.