Page 11 - MIN JUS

pafo, aumenta tecnologicamente cu uso di camara pa proteha, y kico cu pasa ta wordo
graba.

Wolter a subraya cu enberdad robonan ta aumentando na Aruba y e preocupacion ta

cuminza chiquito y poco, poco ta bira grandi.

Ademas e poblacion a crece. Antes nos tabata un poblacion chikito cu tur hende tabata
conoce otro, awor nos tin hopi hende no nos no conoce.

Tin hopi hende ta bin busca trabao na Aruba y si nan no ta haye nan ta busca otro
manera pa yega na entrada, segun sr. Wolter.

El a acentua cu tog Aruba ta un lugar sigur pa haci negoshi y tambe nos banconan, no
obstante tin biaha tin robonan aki aya. Ora e mes ta sali anochi for di banco e ta sinti
su mes safe tog.

Sr. Wolter a indica cu for di hopi aña e banconan tin alerta fuerte y nan ta busca tur
manera pa evita robo, no obstante esnan cu ta comete e delito si nan no por drenta
banco nan ta horta na otro caminda.

El a comenta cu criminalidad ta manera un ola: e ta subi y e ta baha y e mihor manera
pa stop esaki ta si e pais tin un economia cu ta bon. Unda tin un bon economia, tur
hende ta traha y e placa ta circula rond. Si no ta asina, manera aworaki por mira cu e
criminalidad ta cuminza subi.

E banconan ta sigui eherce control y tambe por mira cu e aspecto social na Aruba
tambe ta importante, mescos e educacion pa nos futuro, y ta importante pa percura pa
nos muchanan no drop out pa dia di mañan nan por haya trabao.

E ta keda un responsabilidad no solamente di banco of di gobierno, pero di nos tur pa
inverti den proyectonan cu ta yuda drecha nos comunidad, nos sociedad. Banconan ta
yudando den nos comunidad y nos sociedad en general caba, segun Javier Wolter.