Page 42 - MIN ON

Michelle Hooyboer-Winklaar: Pronto lo digitalisa tur
informacion di Aruba Lening

Sunday, 05 February 2017 19:11
Comparti

Minister di Enseñansa, Michelle Hooyboer-Winklaar a comparti informacion valioso relaciona cu Aruba
Lening. Anualmente ta drenta centenares di peticion pa fiansa pa estudio
, tanto pa esunnan cu ta keda studia na Aruba mes, den nos region, na Merca, Europa of Latino America.
E cantidad di papelnan cu ta drenta ta complica e proceso y por haci’e burocratico, pa cual e mandatario
ta contento di anuncia cu a bay digital awor.
“Ta asina cu pa añanan nos tin e deseo di por digitalisa y facilita procesonan den departamento di
Gobierno mas hopi posibel. Nos sa cu cada aña nos tin un periodo unda departamentonan di Gobierno,
den e caso aki, facilidadnan di estudio ta ricibi un cantidad grandi di peticion pa Aruba Lening. Nos por a
mira den pasado cu procesonan tabata bastante largo pa studiantenan como tambe pa esunnan cu ta
traha den e departamento. Ora ta trata di papelnan, cosnan haci na man obviamente ta crea tardansa den
e proceso y por tin erornan tambe”, asina e Minister a splica.
El a sigui bisa cu esaki pa e studiante no ta e experiencia mas moderno cu lo kier brinda nan. Mirando cu
e grupo di meta ta studiantenan -- nan ta biba den un mundo casi completamente digital -- ta kere cu
esaki ta un desaroyo hopi bon bini pa nan… “nos ta casi yegando na e punto unda por ofrece nan e
servicio online. Un experiencia cu nan tin diariamente cu otro tipo di servicionan online. Esaki ta hopi
importante y ta rekeri varios informacion cu hopi biaha tambe tin su proceso rond di dje”, asina Minister
Michelle Hooyboer-Winklaar a termina bisando.