Page 49 - MIN ON

Studiantenan di IPA a tene proyecto social na Ambiente Feliz
finalisando cu un exposicion

Sunday, 05 February 2017 18:56
Comparti

Tahira Lopez y Angelica Andrade ta studiante di ultimo aña di IPA y nan tabata na Ambiente Feliz
caminda cu nan a tene un exposicion di loke e clientenan di e instancia.
Nan tabata na Ambiente Feliz pa loke ta nan proyecto social y tabata tin como tema terapia visual cu e
clientenan. Lopez a splica cu loke nan a haci ta bin durante cuater siman. Nan a bay 6 biaha y a haci
diferente arte visual cu nan, miho di loke nan a spera. E clientenan a pinta, prik, kleur, plak, lijm verf, pa
asina nan mes train nan motoriek.

Tabata tin como opdracht pa traha cu un instancia, pesey a yega na Ambiente Feliz, pasobra ta toch ta
algo cu nan por haci como maestra. Yuda desaroya nan motoriek y tin algo agradabel cun’e. E clientenan
na prome instante tabata wak ken nan ta pero awor nan ta manera un famia.
Esaki sigur ta un proyecto tin cu wordo haci pa por gradua.

Ken ta evalua

Cada un studiante tin su propio begeleider. Si ta traha den duo of individual, door di IPA ta haya un
workshop prome pa preparabo kico tur tin cu haci y cuanto tempo tin cu dura y e begeleider ta dicidi cu
un gesprek y un exposicion na IPA y e ora ta wak cuanto ta haya.
Exposicion

Awe e exposicion tabata pa e hendenan di ambiente Feliz mes, pa nan por wak y admira nan propio arte y
despues na final na April tin’e bek na IPA pa despues e hendenan di IPA por wak kico a wordo haci.

Cuanto tempo

Pa dia ta dura mas of menos minimo di 6 ora, cual ta encera cu nan mes ta prepara tur cos. Ta bin eynan,
sinta cu nan, splica nan, laga nan mes traha tur cos y despues tin cu bay bek cas, rond’e af y yena tur
informacion extra.
Feeling

E feeling ta uno sin igual. Ta wak cu nan ta echt admirabo, nan ta echt dunabo e feeling di gradicimento.
Nan ta mustrabo cu nan ta contento cu bo ta bay cerca nan. Nan ta contento cu bo ta yuda nan y duna
nan e oportunidad.
E studiantenan ta gradici Ambiente Feliz pa habri por ta pa nan.