Page 7 - ARENDS JAN 17
P. 7
Arends: Lo evalua moratorium riba
supermercado chikito
Posted on 01/17/2017 10:04 am AST | Updated on 01/17/2017 12:02 pm AST
ORANJESTAD - Gobierno lo evalua si ta posibel na Aruba pa
introduci un asina yama 'moratorium' na Aruba pa supermercadonan
chikito, hopi biaha referi como ;supermercadonan Chines. Ta
reaccion di minister di Economia Richard Arends riba pregunta di
NoticiaCla.com pa cu control of moratorium riba supermercadonan
chines. Segun e mandatario, e siman aki e ta haya un presentacion di
departamento economico riba e comercio di Aruba ta parti rond di
nos isla. "Esey tambe ta parti di e presentacion" Arends a bisa.
MORATORIUM
Segun e mandatario, hopi biaha algo ta wordo yama un moratorium, pero
esey ta djies un nomber comercial segun e mandatario. "Mi no sa kico ta e
base legal pa bo por stop un negoshi di establece su mes aparte di
zonificacion". Segun Arends si tin esey 'in place' bo por determina cu den
cierto areanan no ta bin supermercado, ta bin algo turistico, of industrial
etc. " Di es manera ey bo por controla establecimento di negoshi" Arends a
sigui bisa.
SUPERMERCADO RIBA TERENO ERFPACHT
Un desicion cu e mandatario a comparti cu NoticiaCla.com ta cu lo no bin
permiso pa supermercadonan riba tereno erfpacht cu ta destina pa
vivienda. "Lo no otorga vestigingsvergunning tanten e cambionan no wordo
adapta" Arends a bisa. E ta bin a raiz di e pregunta riba posibel moratorium
riba supermercadonan chikito na Aruba, manera cu a keda anuncia na
Corsou recientemente.
