Page 41 - Djaweps 6 september 2018.pdf

Djaweps 6 Sèptèmber 2018 41

Kontinuashon di pagina 12
Eks kolaboradó di frakshon

SOAB a investigá e
prosedura di kompra di
aparatonan pa DC&V i kon e
direktorado tabata manehá
su inventario. Durante di
e periodo di investigashon
di 1e òktober 2010 te ku 1e
òktober 2012 Isenia pues
tabata un di e hefenan
interino di e direktorado,
esta di yüni 2011 te ku
desèmber 2012. Suma total
di aparato- i produktonan
ku a kumpra entre 2010
i 2012 ta mas ku 700 mil
florin na kámara, bateria,
lèns laptop, dvd recorder,
inventario, kámara di
seguridat, software i
sistemanan karísimo di
Livelink i Televideo etc. etc.
Den henter e proseso
di oferta, bestelbon,
fakturashon i outorisashon
di fakturashon SOAB a topa
diferente omishon tambe
ora di entrega di produkto-
i aparatonan no tabata
kumpli ku prosedura pa
konfirmá ku entrega a tuma
lugá.
Trahadónan di DC&V mes
a indiká ku diferente aparato
a pèrdè. Sea niun hende
no sa unda nan a bai òf a
hiba nan na otro ministerio,
pero debí ku no tin un bon
sistema di registrashon no
por a kontrolá mas unda tur
e aparatonan ta. Isenia mes
ta deklará ku no tin lista di
inventario disponibel.
Asta ora SOAB a bai hasi
un kontròl riba presensia
físiko di tur e produktonan
no por a konstatá presensia
di e aparato- i produktonan
aki na e direktorado.
Pregunta ku ta keda ta
unda e aparatonan ta òf na
unda a entregá nan, pasobra
gobièrnu a paga pa nan si.