Page 7 - LOTTO

AWEMainta Diaranson, 4 Januari 2017 19

Lotto, e loteria di Aruba a celebra

Ciere di aña hunto cu invitadonan na nan oficina Pariba di Brug

CU satisfacion directiva di St. Fundacion Lotto Pa Deporte,
Lotto e Loteria di Aruba, a celebra ciere di fin di aña hunto cu
nan balioso trahador y demas invitadonan na nan oficina na San
Nicolas, situa den B.v.d. Veen Zeppenveldstraat #21 dunando
asina reconocimiento n’e bario di San Nicolas.
Den presencia di Minister di Salubridad Publico, Cuido di nos
Grandinan y Deporte, dr. Alex Schwengle y Presidente di Stich-
ting Fundacion Lotto pa Deporte, sr. Di-Stefano O. Wernet
RA a sende e tradicional pagara unda a despidi di e aña 2016
y alabez yama e aña 2017 un caluroso bon bini.

Lotto, e loteria di Aruba ta orguyoso cu desde 2013 nan ta
brinda servicio na comunidad di pariba di brug for di nan edifi-
cio situa na B.v.d. Veen Zeppenveldstraat #21 na San Nicolas.
Pa loke t’e aña deportivo 2016, Lotto, e loteria di Aruba como
instancia pa medio di Comision di Subsidio un bes mas percura
p’e subsidionan necesario pa nos atletanan y nos deporte local.
Nos atletanan a briya unda cu nan bay manteniendo e bon
nomber di nos dushi isla di Aruba na halto.

P’e motibo aki tambe un palabra di felicitacion di curazon na
cada un di e deportistanan, dirigente, clubnan, federacionnan
deportivo, ASU, COA, Cemedar, boluntarionan deportivo y
mayornan na Aruba. Hunto nos lo engrandece e deporte mas
aun den 2017!!!
Gerencia y Staff di Lotto, E Loteria di Aruba ta desea Aruba
henter Felis Pasco y un Prospero 2017 yena cu dicha y pros-
peridad.