Page 15 - UTILITIES

A19
deporte Diabierna 23 December 2016
Hobennan di scol di ciclismo a pasa nan test nivel A y B

SANTA CRUZ - Recien
San Fuego Cycling club
a organisa un test pa
muchanan cu ta asisti na
su scol di ciclismo. Meta
di e testnan aki ta pa
midi e nivel tecnico como
tambe e habilidad di core
bicicleta conforme edad
di muchanan cu ta asisti
na e scol di ciclismo.

Mayornan por mira asina
e progreso di nan yiu cu ta
asisti na e scol di ciclismo
tambe. Esaki ta parti di
un programa di duracion
largo cu San Fuego Cycling
Club a cuminsa implica
den cuminsamento di 2016
y tin como meta prepara
muchanan pa seya e parti
competitivo of recreativo
den e deporte di ciclismo.

Meste menciona cu ariba e
dia di test tabata tin un yobida
fuerte pero cu no a kita e
entusiasmo di e muchanan
pa pasa nan test.
Esaki tabata e ultimo
actividad tambe di nos scol
di ciclismo pa 2016. Nos lo
cuminsa bek ariba diasabra
7 di januari 2017 pa 4’or di
atardi riba veld di SV Arikok
na Shete. Esaki lo ta un
bon oportunidad tambe pa
mayornan cu ta interesa di
laga nan yiu siña core bicicleta
pa trece nan yiu. Lesnan ta
ariba diasabra for di 4:30
pa 6’or di atardi y ta gratis.
Muchanan cu ta interesa pa
cuminsa meste tin un MTB
den bon condicion, valhelm
y handschoen ta mandatorio.

Pa medio di esaki San Fuego
Cycling Club ta haci uzo
di e oportunidad pa desea
tur miembro, muchanan y
mayornan como tambe nos
sponsornan principal cu ta
C.M.B N.V., Total Cleaning
N.V. y prensa deportivo feliz
dianan di fiesta y un prospero
2017.