Page 5 - HOH_Neat

Fundacion Prostaat Aruba ta lanza

campaña di conscientizacion contra

malesa di Cancer di Prostaat

9 September, 2019

Fundacion Prostaat Aruba ta lanza su campaña nacional y su presidente, Sr.
Jurgen Benschoop ta mustra cu hopi hende no ta na altura cu Cancer di
Prostaat ta den e top tres tipo di Cancer na Aruba. Cancer di cuero y Cancer di
Pecho, Cancer di Prostaat ta un cancer hopi comun bao di hende homber pero
manera tur hende sa, Cancer di Prostaat e topico aki ta un taboo ainda na
Aruba. Hopi hende no sa cu riba un average di 40 caso nobo pa aña ta wordo
constata na Aruba. Mundialmente 1 den 9 hende homber ta haya Cancer di
Prostaat, pero hopi hende no sa cu bo por sobrevivi esaki. Loke mester haci ta
semper constata esaki tempran. Anto un di e metanan di e fundacion aki ta juist
pa papia y conscientiza comunidad di Aruba cu Cancer di Prostaat por wordo
cura basta e wordo diagnostica tempran. “Ami mes a perde mi tata na un edad
relativamente jong dor di Cancer di Prostaat y awe mi ta den e fundacion pa
conscientiza nos comunidad pa haci bo test di sanger tempran pa por garantiza
un comunidad sostenibel”, Sr. Benschop a declara.

https://masnoticia.com/fundacion-prostaat-aruba-ta-lanza-campana-di-conscientizacion-contra-malesa-
di-cancer-di-prostaat/