Page 12 - BNDIA ARUBA

a12 riba caya
Dialuna 20 augustus 2018

Dos auto a dal contra di otro den birada

SANTA CRUZ – Diabierna atardi den e birada di Santa Cruz
y Cas Ariba un Kia Picanto a dal contra un Hyundai Getz.
Ambos auto a haya sla y un señora den e Kia Picanto a resulta
herida. Polis di trafico a presenta na e sitio pa asina tuma dato
di e dalmento y ambulance a acudi unda e personal a atende
cu e pashent.

Hoben adicto a lanta cu Pelea formal pafo di

polisnan Pacifico bar restaurant

ORANJESTAD – Recientemente un di e personanan
cu ta encarga cu e adictonan ambulante pa asina nan
haya atencion medico a pidi ayudo di polis pa asina bay
cu un cliente pa e haya su tratamento.

E hoben a lanta cu e oficialnan cu forsa pa e no wordo geboei,
su otro amigonan adicto a papia cu ne pa e bay trankilo y laga
nan bay cu ne pa asina e por haya atencion medico. Asina mes
e no kier a scucha, pero polis a haya nan ta uza poco forsa pa
asina boei e hoben y pone den dog catcher y bay cu ne pa e
destino.

SAN NICOLAS - Diabierna pa mas o menos 9:30 di anochi patruya di San Nicolas
pasando dilanti di Pacifico bar restaurant a topa cu basta hende pafo di e luga.

E oficialnan a baha pa asina wak kico ta pasando y diripiente dilanti e polisnan femenino e
hombernan a cuminsa bringa cu otro formalmente, e oficialnan a pidi pa refuerso policial na
unda mas colega a bin yuda nan.

Tabata un pelea mahos debi cu ta trata di un grupo grandi di hende. Asina patruyanan di otro
districtonan a presenta na e sitio y drenta accion. A bay over na detene dos persona un auto
Hyundai tambe a keda destrui debi na e problema aki.
Ambulance a keda solicita pa asina atende cu un persona cu a keda herida. Recherche di San
Nicolas a keda notifica pa presenta na warda pa asina tuma e denuncia. Hefe di cuerpo policial
sr. Hoo tambe a yega pa ta na altura.