Page 25 - AAA

Jurgen Benschop: Ta trahando pa logra extra cuater slurf
mas pa avion na Airport

Thursday, 16 February 2017 21:10
Comparti

Jurgen Besnchop cu ta e Chief Operations Officer na Airport a splica cu awor aki ta ampliando espacio pa
para avion y cada aña ta traha dos espacio mas.

Den e expansion lo bay bin tres of cuatro posicion mas cu slurf. E slurf ta necesario door di e vuelonan cu
ta bay Merca, ta pre-cleared. Ta haci cu e pasaheronan no por yega den contacto cu e pasaheronan di otro
destinacion. Ta sinti tambe cu door di esey ta pone hopi presion riba e otro vuelonan. Manera vuelonan
pa Canada of otro destinacion cu e pasaheronan tin cu wordo transporta cu bus y nan ta sinti cu nan ta
haya tiki menos servicio cu e otro pasaheronan. Ampliando e gatenan cu mas slur, por acomoda e
vuelonan pa Merca y acomoda e vuelonan pa otro destinacion cu e mesun nivel di servicio.

E plan ta pa bay direccion pa aerocargo cu cuater gate mas, segun Benshop.
Awor aki ta trahando riba e diseño. Una bes cu esaki ta cla, lo bay tender e proyecto. Lo cuminsa mes cu e
construccion pa mita di otro aña of e ultimo parti di otro aña. Ta calcula cu esaki por costa 200 miyon
dollar total y kier haci’e den fase. Kier tin e posibilidad pa dicidi cu ta haci un fase di e proyecto prome,
despues sigui cu e otro fase depende tambe con e pasahero su crecemento ta na Aruba. Manera nos tur
ta, e crecemento ta depende di infrastructura na Aruba. Mester tin e cambernan di hotel, mester tin
transporte publico, mester tin camindanan pa acomoda tur esaki. Como aeropuerto kier ta cla pa atende
e pasaheronan manera cu e isla ta desaroyando.

Mas avion
Benshop a splica cu e peek pa Merca ta keda mesun ora, pasobra mayoria di e aerolineanan aki ta bula na
hubs, na aeropuertonan grandi caminda cu e pasaheronan ta sigui cu conexion. Esey ta haci cu e
pasaheronan pa yega su cas riba e mesun dia, tin cu sali riba cierto orario pa por haya su conexion na
Merca, pa e por sigui cu su vuelo, pa e yega cas e mesun ora. Door di esey ta haci cu nos tipo di mercado
cu nos ta sirbi na Aruba, ta keda den e mesun peekhours.
Demanda

Aeropuerto a caba di amplia Fort Lauderdale cu jet Blue, cu tambe ta den un Peek. Tin Wingo tambe ta
den cierto orarionan di peek pa Colombia. Mas y mas e demanda ta keda bin y ta traha pa purba di
acomodanan mas miho posibel sin perhudaca e nivel di servicio pa e pasaheronan.

Aeropuerto ta haci cada kwartaal ta haci un encuesta, cu ta di ACI. Ta bin hendenan di exterior pa bin
haci’e akinan y basa riba esey ta midi e nivel di e servicio. Ta midi e oranan cu e pasaheronan cu tin cu
warda. Ta midi e calidad di food and beverage cu nan ta haya. Ta midi e limpiesa di e aeropuerto. Por
bisa en general esakinan ta wordo compara cu otro aeropuertonan den e region rond di mundo y nos
scorenan ta basta halto, esta 4, di un maximo di 5, cual ta haci cu aeropuerto ta cumpli cu calidad di