Page 69 - MIN ON
P. 69
Women's Club of Aruba agradecido cu bunita gesto di Aruba
Aloe Balm
Sunday, 11 December 2016 20:03
Comparti
Presidente di Women's Club of Aruba sra. Marva Solagnier y Vice-Presidente sra. Elizabeth Pope tabata
masha agradecido cu e bunita gesto di Aruba Aloe Balm
regalando nan productonan di e compania pa nan por reparti den e dianan aki di Pasco y Fin di Aña na
esnan den necesidad. Algo special di un compania special.
Sra. Solagnier: "Nos a haya diferente producto manera shampo y conditioner. Nos ta traha pakete y nos
ta regala esakinan na e fundacion 'Hende muhe den dificultad'. Pa e mama cu su yiunan cu ta yega na e
centro di e fundacion aki den pura pa motibo di maltrato na cas."Sra. Solagnier a splica cu Women's
Club of Aruba tin un budget pa e proyecto aki cu ta wordo maneha pa sra. Ingrid van der Kuyp.
Sra. Solagnier tabatin palabranan di gratitud pa Aruba Aloe Balm. "Den nomber di Womens'Club of
Aruba nos ta gradici Aruba Aloe Balm pa e productonan cu nan a regala nos. Sigur lo haci bon uzo di nan.
E paketenan cu nos ta traha ta wordo regala na fundacion Hende Muhe den dificultad."
Sra. Pope a bisa di ta comparti e palabranan di sra. Solagnier. "E gesto di Aruba Aloe Balm ta algo masha
bunita sigur den e temporada aki. Mi ta convenci cu e regalonan ta wordo hopi aprecia dor di esnan cu
ricibi nan."
