Page 15 - AWEMAINTA

Diasabra, 3 November 2018 AWEMainta 15

Investigando historia di Eagle

PA 5 aña consecutivo un grupo di stu-

diante di Hogeschool Rotterdam ta na

Aruba. E aña aki ta toca turno n’e area
di Eagle.

E studiantenan aki a ricibi lectura for
di diferente persona y instancia mane-

ra e.o.: Monumentenbureau, TNO,

Fundacion Museo Arubano, sr. Jaap
Beaujon, Aruba Ports Authority, Acad-

emy of Fine Arts & Design, House of

Mosaic y Stichting Monumentenfonds
Aruba.

Despues di e lecturanan nan a traha

intensivamente riba nan proyecto cre-
ando asina un plan p’e area caminda ta

stimula desaroyo di e area, pero sin cu
e historia bay perdi.

E studiantenan ta kedando den e area
di Eagle mes na cas di sr. Beaujon cu a

pone esaki disponibel pa dos siman. E
cas ta un di e casnan original cu a keda

construi pa Arend en Petroleum Com-

pany. Fiseño di e casnan den e area
aki cu ta original ainda ta di arkitec-

tonan di e compania di petroleo mes

y tin rasgonan di casnan di tempo di
Nederlands Indië. E casnan aki a keda

construi p’e director y trahadornan di

e compania y despues cu esaki a bay
di Aruba e lokalnan mes por a adkiri e

casnan aki.

Na final di e workshop e studiantenan

lo presenta e resultado di nan inves-
tigacion, nan plan y ideanan p’e area.

Esaki lo tuma lugar dia 5 di Novem-
ber awor. Si tin hende cu tin fotos di

e area di antes of informacion y kier

comparti esaki por tuma contacto cu
Stichting Monumentenfonds Aruba na

582 4014 of info@monumentenfond-

saruba.com