Page 12 - UTILITIES 14 JAN 2017
P. 12
CasMarie a haya
donacion di 4 mil florin
Published on January 13, 2017 in Social
ORANJESTAD, Aruba
Na CasMarie tabata un dia hopi special. Director di CasMarie Lisette Does ta sumamento
content di e donacion cu e ricibo for di Aqua for Aid (Aqua48) unda cu a otorga un donacion na
balor di Awg. 4.000,- cu a bay pa Fundacion CasMarie. Representante di Aqua48, Manon
Hekman hunto cu representantenan di WEB Aruba y restaurantnan participante a haci entrega di
e donacion na coordinador di Cas Marie, señora Lisette Does. Aqua48 ta encera un iniciativa
caminda consumidonan cu ta order awa den restaurant por scohe entre awa gratis y Aqua48 pa 1
florin cu refil gratis y mester bisa cu hopi hende ta contrbui a asina forma parti tambe di e
donacion pa e fundacionnan escogi.
Sinembargo CasMarie tambe ta hopi active y lo bay cuminsa hopi pronto cu un proyecto di bario
cu ta keda compara como un mobile CasMArie den bario unda cu lo bishita tres bario, uno na
playa, noord y tambe na San Nicolas. E proyecto aki ta insera cu lo bay cu e personal di
CasMarie cu e materialnan cu lo ricibi for di Aqua48 y lo haci bishitanan na e clientenan cu ta
desea. Segun Does demencia ta un malesa hopi fastioso pa famianan y na Aruba Actualmente tin
hopi hende cu tin proplema cu e malesa aki. CasMarie ta gradici Aqua48 cu e donacion aki y cu
nan lo haci sigur un bon uzo di dje pa tur e clientenan di CasMarie.
