Page 34 - HOH

Nan ta pidiendo e cabezantenan di cada scol pa atende cu e campaña y pesey DVG ta
haci un suplica na muchanan cu a bin di exterior pa nan busca nan certificado di
vacunacion di e pais di origen, unda e mucha a wordo vacuna.

E carchi aki lo wordo vacuna door di Jeugdgezondheidszorg den e sistema di vacunacion
local pa wak si e muchanan ta actualiza cu nan vacunanan, Jurette Croes, vocero di
DVG a señala.

Tin malesanan cu ta hopi actual na algun pais y cu no ta wak na Aruba mas. Pero no ta
nifica cu e malesanan aki no ta existi. E malesanan aki tey ainda y cu e fluho di trafico
cu awendia tin y cu ta viaha constantemente pa otro paisnan ta hopi facil pa haya un di
e malesanan aki y propaga nan den e poblacion, a indica.

Croes a sigui bisa cu pesey ta haci e suplica na mayornan pa vacuna nan yiunan
optimalmente. Por corda e caso di e barco FreeWinds unda tabata tin un personal cu
sarampi ariba dje y cu mester a pone e barco aki bao cuarentena.

No mester warda te ora casonan asina sosode pa core haya e vacuna. “Ban vacuna,
esaki ta na bienestar di salubridad publico”, a expresa.

https://www.diario.aw/2019/08/departamento-di-salud-ta-bayendo-scol-pa-scol-pa-atende-cu-e-
campana-di-vacunacion/