Page 4 - SOLO DI PUEBLO
P. 4
Pagina 4 Dialuna 8 Mei 2017
Riba Sasakiweg:
Chauffeur a desvia pa otro auto, perde control y bolter
Diabierna anochi a drenta
informe di un accidente
bastante fuerte unda un auto
a bolter banda di Red Fish na
Sasakiweg. Mesora a manda
tanto polis, ambulance como
tambe e equipo di rescate di
bombero.
Na yegada di e patruya, nan
a bin encontra e chauffeur cu
a sali di su mes for di e auto.
Nan a compronde cu aki ta
trata di un accidente unda
e chauffeur di e Mitsubishi
Airtrek Turbo bayendo
panort cu velocidad basta
halto, mester a desvia pa
un auto cu a haci maniobra
su dilanti. Esaki a causa
cu chauffeur di e Airtrek a
perde control, baha caminda,
ranca 5 pilon y bay bolter na
banda drechi di e caminda.
Na yegada di e ambulance
nan a atende e victima y a
transport’e pa hospital.
