Page 31 - FDLP

Competencia Di Domino Ta Birando Interesante

 Deporte
- 05/06/2019

Diabierna y diadomingo ultimo Campeonato 2019 di Aruba Domino Bond a continua na
River Plate. Diabierna Eagles DT a enfrenta Gold Stone DT. Despues cu e siman anterior
Eagles DT a duna e campeonnan di 2018, esta Noord Stars “Pizza Hut” DT, un hard time,
contra Gold Stone DT atrobe Eagles DT ta cay venci. Gold Stone DT ta lucha duro pa
termina cu un score di 13 – 12.

E otro wega di diabierna tabata un walk over pa X-treme DT contra Trappers DT. Un
siman despues di e derota contra Old Parr DT di 20 – 5, X-treme a tuma revancha y a suta
Trappers DT 19 pa 6. Un bon come bek.

Diadomingo dia 1 di juni, Noord Stars “Pizza Hut” DT a pasa riba Ottley’s Strikers DT
cu e score di 19 – 6. Sunny Ramchamdani a bin pone ordo y mustra e caminda p’e
otronan di Noord Stars “Pizza Hut” DT.
Den e otro wega Old Parr DT a topa un Sport Boys hopi hambra y por poco Sport Boys
DT a sorprende Old Parr DT. Cu e diferencia minimo Old Parr DT a termina e wega 13 –
12. Fanaticada di Sport Boys a kere cu lo tin un Pasco tempran, pero na ultimo momento
Felipe Daño a pone ordo y demostra cu no t’asina facil pa laga Old Parr den tereno.

E campeonato lo sigui diabierna awor cu e confrontacion entre Ottley’s Strikers DT &
Old Parr DT. Pa diadomingo tin e wega Trappers DT – Noord Stars “Pizza Hut” DT
programa. Nos ta spera cu tur fanaticada di domino bin apoya nan equipo.