Page 11 - AHATA 17 MAY 2017

ORANJESTAD (AAN): Awe Diaranzon, Minister Dowers como e titular encarga cu e
cartera di husticia, lo bay presenta su proximo plan di maneho, 2017 pa 2020. E plan di
maneho aki ta e continuidad di plan di maneho anterior, esta esun yama “Een solide
basis”, cual a worde presenta y discuti na 2013.

Dicho plan di maneho tabata tin como puntonan di salida, prevencion, represion y e
asina yama ‘integrale aanpak’, pa tanto den seno di husticia como tambe pafor di e
seno hudicial. Esaki naturalmente tabata e fundeshi, pa por a contra-aresta

criminalidad den tur forma y di cual nos a mira tambe e bon resultadonan cu e plan
integral aki a duna.

E proximo plan di maneho, ta un extencion di esun prome y cu lo hiba e nomber di

“Iedereen draagt zijn steentje bij een veilige samenleving”. Cu e plan di maneho aki lo
bay na e proximo nivel, teniendo e puntonan cardinal den mente, manera es nan cu a
worde menciona caba.

E plan di maneho aki cu lo worde presenta mayan diaranzon, lo worde presenta y
discuti den un sesion priva cu entre otro tur hoofd van diensten di husticia. Banda di e
grupo grandi aki, tambe a extende invitacion na por ehempel, plataforma profecional,
bestuur di ATIA, KVK y esun di AHATA, como tambe diferente studiantenan di e

diferente facultadnan di universidad di Aruba. E programa lo bay ta uno extenso y sigur
interesante.