Page 12 - KPA

Melvin Tromp AVP: Manifestacion contra klem a wordo full
prepara politicamente adelanta pa Tatiana cu palabracion di

media

E maifestacion cu tabata tin diamars unda un man yen di comerciante y algun lider politico sin asiento
den parlamento tabata tey, a wordo prepara adelanta. E organizador Tatiana a bisa cu e cos aki no ta
nada politico y ademas a bisa cu ta un manifestacion espontaneo.

Tur e palabranan aki no ta berdad. A resulta cu mas cu un siman caba Tatiana tabata tin su plan y agenda
cla cu tur hende in place pa diamars. Ademas el a haci esaki den bon cordinacion cu MEP. Ni maske el a
invita henter comercio di Caya Granbdi, tog ta un man yen di comerciante a bay y algun hende cu no tin
negoshi. Nan plan tabata otro. Tatiana via email mes a manda kiko precies cada comerciante mester haci.
E ordena cada comerciante pa pega pancarta na nan negoshi y e dia despues sera nan negoshi mainta pa
bay manifesta contra klem entre otro. Ademas den su plan completo el a pone tambe cu tin un cantidad
di media cla pa asina haci tur reportahe rond di su show relaciona cu klem. Mientrastanto e intencion pa
kita klem ta algo cu gobierno tabata tin den mente caba y prome minister a menciona esaki na mas cu un
ocasion anteriormente. Mientras cu e comerciante cu a prepara henter su plan pa purba lanta e
comerciantenan contra gobierno a fracasa, e dianan prome e tabata den prome fila na actividad di MEP.
Riba caya cerca esnan cerca di Tatiana ta wordo menciona cu e kier bay riba lista di MEP pasobra MEP
tin interes den dje. Pa colmo awor cu e klem a wordo elimina tin informacion cu ya caba e ta den proceso
pa muda e negoshi pa e area di LG Smith Boulevard. Kiermen e no ta sincero cu su mes ora cu e ta
orkestra un cantidad di issue purbando di usa otro comerciantenan pa logra su meta cu influencia
politico. Aki henter e plan cu Tatiana a traha pa asina prepara tur cos pa diamars cu a pasa purba lanta
tur comerciante riba caya pero a keda decepciona pasobra ni 15 di esnan presente tabata comerciante.
Tur hende sa cu caida di benta den caya grandi no ta motibo di Klem of Parker Meter. Ta hopi tempo
caba prome cu 2009 tin keho cu caya a deteriora, choller ta molester y tambe no tin lugar pa para auto.
Ta culpa trahadornan di ta coy tur lugar y pesey e hendenan ta prefera bay na mallnan pafo di stad of bay
tambe na negoshinan cu tin pafo di stad. A introduci e parking y esey a pone cu tin lugar pa para auto y e
caya ta agradable pa shop. Awendia tur hende sa cu hasta online hende ta shop. E mesun politiconan cu
ta critica AruParking no ta inverti den negoshinan den Caya Grandi. Pesey ta haya in berguensa cu tin
hende ta haci cosnan cu nan mes no ta sincero cu nan mes. Kier haci Politica cu e situacion y nan sa
masha bon kiko ta e realidad di problema di caya grandi. Online Shopping ta entre otro in di e
problemanan cu comercio a cay. Otro negoshinan awendia ta gana haciendo e negoshi cu online
shopping y cierto negoshi den Caya dimes no por ofrece algo cu ta trek hende bin cumpra. Pa termina ata
e plan completo cu Tatiana su conseheronan politico di opocision a hinca den otro.