Page 80 - KPA

Pareha haya drumi den schuur di
cas bashi

4 May, 2017
0

Central ta manda patruya na Ayo caminda cu habitante a yega cas y a topa cu
un persona desconoci ta drumi den su cura. Eynan polis a papia cu e dama T.,
kende a splica cu pa mas of menos 8’or di mainta, el a bay controla su cas,
mirando cu no tin ningun hende ta bibando den e cas. Durante control, el a mira
cu e porta di e cura tabata kibra. Eynan el a mira algun kabel di coriente di e
cas, tabata monta pa e schuur. E porta y bentana di e schuur banda pariba
tabata kibra. Den e schuur, T. a mira un homber y un muhe ta drumi riba vloer.
T. no tabata sa ken e personanan aki ta y no a duna permiso pa ningun hende
keda den e schuur. Den cuadro cu esaki, ambos persona AAC y MMP, pa 8’or y
45 a wordo deteni. Nan a wordo hiba warda caminda cu nan a keda presenta
dilanti di fiscal auxiliar y encarcela pa mas investigacion. Recherche a wordo
poni na altura.