Page 22 - ATA

Banco Central A Lansa Oficialmente Serie Nobo Di

Biyetenan Di Florin

 Featured
- 19/05/2019

Manera AWEMainta a publica diasabra ultimo caba, despues di mas di 7 aña di
preparacion intensivo y trabou duro, Banco Central di Aruba (BCA) a lansa oficialmente
e serie nobo 2019 di biyetenan di florin.
Durante e evento aki, Presidente di BCA, Jane Semeleer, a duna un presentacion di e
trayectoria di BCA pa realisa e serie nobo 2019 di biyetenan di florin.
Despues, señora Miriam Gonzalez, Directora Ehecutivo, y señora Penelope Tromp-
Gomez, Manager di Division, a elabora riba e temanan escogi p’e serie nobo 2019 di
biyetenan di florin, como tambe riba e caracteristicanan di seguridad.

Durante e trayectoria aki, BCA a traha hopi di cerca cu diferente artista local, varios
experto local y internacional di banconan central y asesornan di sector priva, como tambe
e producente di biyete internacionalmente renombra, esta Crane Currency. BCA a
expresa su gratitud y a presenta un muestra chikito di aprecio n’e colaboradornan cu
tabata presente.

Despues señora Semeleer a invita señora Evelyn Wever-Croes, Minister President di
Aruba, y señora Xiomara Ruiz-Maduro, Minister di Finansa, Asunto Economico y
Cultura, pa conhuntamente revela e diseñonan di e serie nobo 2019 di biyetenan di florin.
E tema principal di e biyetenan aki ta “Bida na Aruba”, cu ta contene elementonan di e
flora, fauna, herencia cultural, monumento, y lugarnan prominente di Aruba.