Page 18 - CMB
P. 18
pero tambe ta duna sosten na esunnan cu ta luchando contra cancer di pecho y tambe
ta honra esunnan cu a fayece. E tema di e caminata e aña aki ta “Let’s beat it”.
Meta di e evento aki ta pa yuda Mary Joan Foundation recauda fondonan pa asina nan
por sigui cu nan trabou den comunidad. Cu e fondo aki e fundacion por sigui duna
sosten na esunnan cu ta luchando contra cancer di pecho, pero tambe na nan famia. Un
di e proyectonan cu e fundacion tin y a inicia esaki e aña aki ta “Un Peluca Un Sonrisa”.
Door di e proyecto aki nan por traha peluca pa esunnan cu tin cancer mester di dje.
E deseo ta pa yega na 1000 participante, p’esey Mary Joan Foundation ta invita tur
hende pa inscribi pa yuda sigui cu e lucha contra di cancer di pecho.
Diadomingo 28 di October e caminata di “Let’s beat it! Pink Walk” di 5KM di distancia lo
inicia pa 5:30pm na Plaza Betico Croes. Inscripcion ta inclui un tas di Mary Joan
Foundation. Ruta ta Plaza Betico Croes bay Vondellaan, De La Sallestraat, Prof.
Lorentzstraat, Emmastraat, Caya Betico Croes, rotonde Aruba Vision Centre, Vondellaan
y ta yega bek na Plaza Betico Croes. 297 Runners lo brinda nan sosten e aña aki un bes
mas door di percura pa e coordinacion di loke ta trata e ruta.
Yega un y tur y ban sostene Mary Joan Foundation cu nan caminata di conscientisacion.
https://www.diario.aw/2018/10/diadomingo-awor-tin-e-pink-walk-2018/
