Page 105 - KPA_Neat

Persecucion formal a caba ora auto a bolter na Hato

Monday, 01 May 2017 11:38
Comparti

Diadomingo, pa mas of menos 7'or y 45 di mainta, automobilistanan riba e caminda di bubali, na altura di
Superfood, por a nota cu tabata tin un persecucion andando, mirando cu e auto envolvi, un KIA Sportage, tabata core
na un manera hopi peligroso riba caminda.

Polis tabata sigui e auto aki, cu tabata un v-car, bayendo direccion Bubali. Na altura di e t-weg den caya Frans
Figaroa (Shaba), e auto a bira bay zuid y na altura di e rotonde di Tanki Flip el a bay bek direccion p'abao. Na e
rotonde di Hato, na altura di Aruba Bank, e auto a dal y media vuelta y bay bek ariba. Akinan ta caminda cu polis a
blokia e auto di tal manera cu e auto a bolter y a cay den drempel cu tin na canda di caminda. Polis a baha cu man
duro riba nan y a saca nan for di den e auto. Un total di cinco persona tabata den e auto aki. Por a tuma nota cu na
caminda, nan tabata tira placa y celular for di bentana y for di varios fuente por a haya placa benta riba caminda na
altura di Koyari y tambe un tireshop na Bubali. Mirando cu algun ora prome tabata tin un asesinato cu a tuma luga
na Jaburibari, polis tabata actua cu extra cautela pa loke ta e caso aki, cual ta bao di investigacion. Ambulance tabata
na e sitio, dos di e ocupantenan a keda herida den e impacto. {multithumb}

http://www.24ora.com/index.php?option=com_content&view=article&id=121321:persecucion-formal-
a-caba-ora-auto-a-bolter-na-hato&catid=6:policial&Itemid=8