Page 23 - KPA_Neat

AWEMainta Diamars, 2 Mei 2017 9

Segun Alan Howell

Cu partido POR den Gobierno tur post di Polis
di Bario lo ta den funcion bek y como debe ser

“INCREIBEL pero berdad ta cu hopi di e post nan

di Polis di Bario ta cera of no ta funcionando como
debe ser. Esaki no tin di haber cu e maneho dentro di
Cuerpo Policial mes y tampoco debi na e Polisnan di
Barionan. Esaki tin di haber cu e maneho di Gobierno.
E Polisnan di Bario kier duna lo maximo pero asina
ki no por. Segun Gobierno y Minister di Husticia no
tin placa pa mantene e post nan aki. Es decir no tin
plaka pa computer, muebles y tampoco pa mantene
e oficina”, segun Alan Howell.

“Varios biaha ami, Alan Howell, a hala orea di
Gobierno publicamente rib’e tema aki.
Pero lastima niun musca a bula. Si tuma como
ehempel e post di Polis di Bario di Mabon, ta casi
bira un “chollerhouse” y ta cera y bandona pa
añas caba Habitantenan ta haya esaki un falta
di respet. Polis di Bario tin un rol hopi importante
den nos Cuerpo y pa cu nos barionan. Un Polis
di Bario cu bon contacto cu su bario, por preveni y
soluciona masha hopi caso mes. Specialmente den e
temporada aki cu atraco ta “on on”, Howell ta splica.

“Tambe e presencia di Polis di Bario ta alivia
e patruyanan hopi. E patruyanan lo por cubri
otro lugarnan strategico. Alan ta sigura pueblo cu
despues di 22 di september 2017, cu partido POR
den Gobierno, tur post di Polis di Bario lo ta habri
den e prome 100 dianan di gobernacion.
“Together we can make it better”. “The small man
for the people and the people for the small man”,

Howell ta conclui.