Page 55 - AHATA
P. 55
Otmar Oduber a confirma cu e ta retira
na december como minister
Posted on 09/17/2019 11:50 am AST | Updated on 09/17/2019 11:56 am AST
ORANJESTAD – Minister Otmar Oduber a confirma e noticia di Noticiacla.com diamars
mainta, anunciando su retiro como minister y politico. Sinembargo su retiro ta drenta na
vigor te 12 di december proximo, manera e mes ta anuncia. “E curpa ta cansa” Oduber a
bisa diamars mainta, indicando cu e ta bay dedica tempo na famia y cu salud ta un parti di
sigur pa su motivacion pa a tuma e decision. E mandatario ta pensa cu e ta haya e tempo
oportuno pa retira aworaki. E actual parlamentario di partido POR, Marisol Lopez Tromp
ta bira e reemplazante di Oduber como minister, y Dellanira Maduro ta bira e
reemplasante di Lopez Tromp den Parlamento.
“OPZEGGING TERMIJN”
Segun Oduber, mescos cu un trahado tin un tempo pa anuncia su retiro, el a haci mescos
y ta pensa cu pa december ta suficiente pa esaki. Y pa e no tende cu tin problema den
gobierno, cu lo a pone cu e ta retira. Despues di 22 aña como politico activo di cual 7 aña
