Page 9 - LOTTO

20 AWEMainta Diaranson, 15 Maart 2017

Bowling lo organisa torneo Dia Nacional Hubenil diabierna 17 di maart

FEDERACION di Bowling Arubano, ARBAS
lo ta organisando diabierna 17 di maart awor un
torneo enconexion cu e celebracion riba nos Dia
National Himno y Bandera.
E torneo ta pa hobennan te cu 15 aña di edad cu
ta interesa pa practica e deporte di bowling.
Pues si abo ta sinti bo yama pa cuminsa un carera
den e deporte aki presenta libremente e diabierna
aki.
Lo hunga den e categorianan di 6 - 8 aña, 9 - 11 aña
y 12 - 15 aña. Lo saca e tres mihor hungadornan
den cada categoria esaki femenino y masculino.

E lugar mas cu claro ta Eagle Bowling Palace y lo
cuminsa pa 5.30 di atardi. Por yama na 583-5038
of pasa na Eagle Bowling mes despues di 4or.
Un danki sigur na Lotto, e Loteria di Aruba pa
medio di Comision di Subsidio cu a yuda subsidia
e torneo di bowling cu lo celebra nos dia nacional
Himno y Bandera.

Banco di Caribe ta optimalisa

su sistema di BdC Online

PROXIMAMENTE Banco di Caribe lo opti-
malisa su sistema di BdC Online Banking p’asina
ofrece clientenan un mihor experiencia.
Pa por realisa esaki mester interumpi e servi-
cionan di BdC Online Banking dia 17 di maart
2017 pa 5’or di atardi te dia 19 di maart 2017
te final di dia.
Clientenan na Aruba cu tin cuenta bancario cu
Banco di Caribe lo no tin aceso na e servicio di
BdC Online Banking.

Durante di e periodo ariba menciona, lo no ta
posibel pa haci uzo di BdC Online Banking.
Entrante dia 20 di maart 2017 BdC Online
Banking lo ta bek den servicio.
Unabes e optimalisacion ta completa, usuarion-
an lo por disfruta di un mihor experiencia online.
Ta posibel pa, e.o., un cliente mes activa of
blokia su tarheta di banco ora e ta bay den
exterior.
Tambe, e cliente mes por blokia of desblokia
transaccionnan riba su cuenta si sosode cu el a
perde e tarheta di banco.

E optimalisacion lo haci posibel cu e cliente por
aproba transaccion y pagonan den un biaha.
Mescos cu pa clientenan empresarial e asina
yama ‘bulk payment’ tambe ta posibel.
Banco di Caribe ta pidi disculpa p’e interupcion
aki, pero ta sigura cu despues di e optimalisacion,
clientenan lo disfruta di un mihor experiencia
riba e sistema di BdC Online.