Page 16 - DESPA

Mike Eman: GKMB ta un organisacion importante pa nos
comunidad

Sunday, 29 January 2017 21:28
Comparti

Gele Koorts Muskietbestrijding ta forma parti di e ekipo cu siman aden y siman afo ta bishita barionan
rond di nos isla hunto cu Prome Minister Mike Eman.

Mescos cu BoBario y Serlimar, GKMB ta haci un papel importante den e programa aki. Ademas di
realisa control, ta yuda educa ciudadanonan den prevencion di criadero di sangura, beneficiando asina
henter e bicindario y nos pais.

GKMB ta informa cu apesar cu riba nos isla ta conoce cuater diferente especie di sangura, ta
importante pa e comunidad trata tur mescos. Minister President Mike Eman ta consciente di nan
funcion importante. “GKMB cada siman cu nos tey den bario, nan ta cu nos. Un organisacion cu ta traha
hopi bon. Hopi biaha ora nos drenta un cas,nan ta bisa nos cu nan a pasa caba. den e dianan aki nan ta
duna hopi informacion di con cada ciudadano mes por cuida e awa cu nan ta conserva pa muha mata
pa nan no bira un peliger di salud pa nan mes y nan bario,” e mandatario ta bisa.

Ruben Croes, inspector di GKMB a splica cu “Evita awa rond di cas, si bo ta warda awa pa mata, tapa
esaki bon evitando cu ta forma criadero. E prome pa wordo pica ta e donjo di cas mes y despues e
bisiñanan.” Si ta desea di yuda den esfuerzonan aki, tin algun pest control bon ekipa. Di parti di GKMB
mes nan tin insecticida cu cada bes ta mas ‘environment friendly’ y no ta haci danjo na ser humano.
“Nos ta bon ekipa pa pueblo di Aruba y esey nos a bin ta haci algun aña caba,” Croes a indica.