Page 65 - AHATA

Esaki mirando cu temporada di campamento ta bay cuminza pronto.

Durante un rueda di prensa, Vocero Policial Suplente Liliana Rasmijn a trece dilanti cu
no ta permiti pa cuminza mas trempan cu 12’or di merdia riba dia 14 di April.

No ta permiti por ehempel pa cuminza aparta lugar for di prome cu esaki.

“Si nos haya cosnan poni na lugarnan prome cu e ora, nos ta kita nan”, segun e vocero

policial suplente.

El a sigui bisa cu ta specialmente prohibi pa uza carbon riba nos beachnan.

Rasmijn a splica cu si bo kier hasi barbecue, hasi esaki na e parti cu no ta santa blanco
y preferiblemente cu babecue pit di gas y no carbon, segun Rasmijn.

“Corda tambe cu pa kico cu bo organiza Banda di beach, bo mester tin vergunning”.

“Ora bo bin contento pa campa cu tur bo cosnan, mesun contento bo ruim op tur cos y
bo ta laga e beachnan limpi”.

“Tur hende ta hasi nan esfuerzo y tur hende sa cu nos ta depende hopi riba nos
beachnan pa nos turismo”, segun Rasmijn, kende a sigui bisa cu ta importante pa e
vergunning di campa ta visible.

Tambe el a trece dilanti cu no ta permiti pa core cu ningun tipo di vehiculo riba beach.

Pa loke ta musica, esaki por wordo toca den siman te cu 10’or di anochi y den weekend
te cu 12’or, tanten cu bo no ta causando molester cerca.

https://www.diario.aw/2019/04/mesun-contento-cu-bo-a-bin-cu-bo-cosnan-pa-campa-mesun-
contento-bo-tin-cu-ruim-op-tambe/