Page 27 - AM190216
P. 27
Diasabra, 16 Februari 2019 AWEMainta Corsou 27
Riba Dia di San Valentino:
Tur skol básico a ricibí buki di mucha multilingual “Kurasonchi”
WILLEMSTAD – Dia 14 di febrüari, tur skol básico
na Còrsou a ricibí un pakete compañá pa un carta dedi-
cá n’e maestra(o) y muchanan di grupo 3. E pakete ta
consistí di un buki titulá “Kurasonchi.”
Kurasonchi ta un curazon cu hopi pasion y energia, pero
riba un dia e ta dicidí cu e kier ta algo otro cu djis un
simpel curazon.
P’e motibo aki, Kurasonchi ta dicidi di bay keiro rònd
di e curpa pa experienciá e bida di un wowo, nanishi,
boca, orea y te hasta man cu pia. Durante su aventura,
Kurasonchi ta siña hopi, pero e lès mas grandi ta bin ora
e ta haña sá con importante un curazon chikito den un
mundo grandi ta.
Kurasonchi ta un creacion di autornan Levi Silvanie
(Còrsou) y Rosabelle Illes (Aruba). Tur página ta acom-
pañá pa un ilustracion creá pa ilustradora Jowy Maas-
damme (Hulanda). E storia ta publicá na Papiamento,
Ingles, Spañó y Hulandes. Di e forma aki, e autornan
ta reconocé e importancia di e dominio di un lenga ma-
terno na promé lugar y atrabes di esaki, siña otro idi-
omanan.
Despues di a lansa e buki na Aruba riba Dia Mundial
di Curazon (29 di sèptèmber 2018), e proyecto ta yega
Còrsou riba un otro dia special, cu ta Dia di San Valen-
tino. Den e carta cu a acompañá e pakete, Kurasonchi
mes ta splica cu dia 14 di febrüari tur hende rònd mun-
do ta usa nan curazon pa manda amor.
Como cu manda amor ta Kurasonchi su meta, e kier
comparti su storia y e aventura cu a siñ’é stima su mes
y apreciá ken e ta.
E proyecto ta conta cu sosten di Unoca, Prins Bernhard
Cultuurfonds Caribisch Gebied, Caribbean Mercantile
Bank N.V., Maduro & Curiel Bank N.V., Aruba Tour-
ism Authority, Faro Blanco Restaurant, New India As-
surance Aruba y Curaçao Cares.
Pa mas informacion tocante Kurasonchi y pa reservá bo
buki bishitá e website www.heartythebook.com y sigui
tur desaroyo via di e página di Facebook y Instagram di
Hearty the Book.
