Page 24 - AVP

Rocco Tjon, Lider Di Fraccion – Fraccion Di MEP Lo

Entrega Un Amienda Riba E Concepto Di Ley Di

Supervision Financiero Temporal

 Politica
- 15/05/2019

Esaki ta un ley sumamente importante pa pais Aruba. E importancia tin di haber cu
aspectonan di credibilidad financiero internacionalmente, e por duna un base legal na
palabracionnan haci pa yega na finanza duradero, pero tambe e ta toca aspectonan
constitucional y nos autonomia financiero, asina lider di fraccion di MEP, Rocco Tjon a
duna di conoce.

Mirando e importancia di e ley aki, MEP lo estrena 5 clip informativo pa duna splicacion
na pueblo riba e concepto di ley di supervision financiero temporal.

KONINKLIJK BESLUIT NO. 20467
E origen di e ley di supervision financiero temporal ta data bek di 2014. Ta na 2014 cu
Gobierno di Reino a duna sr. Mike Eman un Koninklijk Besluit pa “ondeugdelijk
bestuur”.

Specificamente por lesa bek den e decreto aki cu Gobierno di Reino ta bisa cu cifranan cu
tabata wordo presenta den e presupuesto tabata irealistico.