Page 28 - ARUBA AIR

Tiara Air a wordo declara bancarota den corte pasobra huez
no a kere storia mas di e placa cu mester yega di Venezuela

Tuesday, 29 November 2016 22:07
Comparti

David Kock a bringa pa algun trahado di Tiara Air, cu a hiba e compania corte.

E compania no ta funcionando y awe tabata tin un decision cu a wordo tuma door di hues. Pesey mes,
abogado Kock a conta kico tabata e decision di hues y tambe a elabora riba e caso.

E ta splica cu ya pa un tempo caba tin un grupo di empleado cu tabata en espera di wak si e
palabracionnan haci biaha pasa na corte mes, ora cu Tiara Air a haya su surseance van betaling, lo a
wordo cumpli.

Manera cu sa, parti di e deal di biaha pasa pa duna Tiara Air un espacio pa restructura su mes y wak si e
ta recupera e debenan na Venezuela. Parti di e plan ey ta cu entrante 1 di April di e aña aki, e trahadonan
cu tabata endeuda lo a haya nan placa y tabata tin hopi trahado cu tabata pendiente pa loke ta desaroyo
di loke ta nan afvloeing, censantia y otro pagonan.

Un di April a bin. Nada no a sosode. Tiara a logra un vuelo ora di a purba start up bek, pero despues
mester a stop pa motibonan desconoci. Pero e lunanan tabata pasando y e unico cos cu tabata tende ta cu
mester bolbe sigui warda riba placanan di Venezuela cu suppose di lo a bin.
Desaroyo pa otro aerolineanan tambe tabata un problema. E trahadonan dado momento a stop di kere
den e promesanan ey y tambe mester a pone un punto final pa e saki pa nan tambe por cera e capitulo aki
wak kico nan por recupera sea atrabes di curator y tambe SVB. pesey nan a dicidi di solicita e bancarota y
awe hues a pronuncia esaki tambe.
E decision ta un decision general pasobra hues ta djis pone Tiara Air den e estado di faillecement. E ta
nombra un curator kende ta abogado Martis, kende tabata bewindvoerder ultimo biaha. E tin tur
conocemento y experiencia pa atende e asunto aki y tambe un Hues comisario cu tin cu bay supervisa.
Pero cu e decision aki eigenlijk likidacion ta bay bin. E ta un punto final tras di esaki. Tiara Air si por
apela e veredicto aki, pero e apelacion no ta bay schors e faillecement, cual ta un hecho. Realmente si
wak ki argumentonan a hiba ultimo biaha den corte, no tin mucho chens di ta exitoso, segun abogado
Kock.

Kock a sigui splica cu si por corda, ta e mesun tipo di storia cu casi dos aña pasa caba ta wordo conta,
cual di esey e trahadonan no a mira nada, esta di e tanto miyonnan di dollar cu tin cu haya for di
Venezuela y e trahadornan no a mira nada di esey y si dos aña despues ta e mesun storia cu ta bin cun'e,
tin cu compronde cu no mucho hende mas lo bay kere den esey.
Contacto

No ta pa e 8 trahadonan cu a pidi pa e bancarota aki, sino pa tur hende, tur creditor di Tiara, y e resto di