Page 7 - WEB
P. 7
Citgo parti di e era di gas di Venezuela
August 23, 2018
ORANJESTAD (AAN) — Ora papia di economia Venezolano, e prome pensamento ta
bay pa petroleo. Sinembargo, ora papia di paisnan productor di gas, e pais ta na di
ocho luga cu e reservanan mas grandi den hemisferio occidental despues di Merca. Te
awor aki e produccion petrolero ta na prome luga den e economia Venezolano cu lo
conoce cambionan importante.
E produccion di gas dor di Venezuela a haya atencion ora e acuerdo pa e refineria di
Aruba a bira conoci.
E proyecto ta indica cu durante e rehabilitacion di e refineria di Aruba, lo introduci
pipanan pa transporta gas natural for di Venezuela pa Aruba. E aspecto ambiental na
Aruba lo tabata decisivo.
Ta resulta cu pa Venezuela uzo di gas lo ta importante den e esfuerso di e pais pa
expande e comercio den gas. E compania estatal Ruso Restnof ta partner den e plan
Venezolano pa mas exportacion gas di e reservanan enorme di Venezuela.
http://www.diario.aw/2018/08/citgo-parti-di-e-era-di-gas-di-venezuela/
